Manchester City mposhti në finalen e Kupës së Botës për klube skuadrën braziliane të Fluminense me shifrat 4-0 në Jeddah, duke ngritur kështu një tjetër trofe këtë vit kalendarik.
Por pak çaste pas fërshëllimës së fundit, shpërtheu “lufta” mes Walker dhe Felipe Melo. Aryseja e përleshjes mbetet ende e paqartë, por Felipe Melo shkoi me vrull te lojtari anglez dhe e shtyu me një goditje të dhunshme, ku më pas filloi përleshja, shkruan abcnews.al
U desh ndërhyrja e të gjithë lojtarëve të tjerë për të ndarë këtë përplasje mes 2 lojtarëve të cilët shquhen për problematikat brenda fushës, sidomos Felipe Melo, ish-lojtari i Juventusit dhe Interit.
