Kryeministri i Kosovës, Albin Kurti dhe ministrja e Arsimit, Arbërie Nagavci morën pjesë në ceremoninë e ndarjes së mirënjohjeve dhe shpërblimeve simbolike për fituesit e garave në nivel vendor dhe fituesit e garave kredibile në nivelin ndërkombëtar, raporton InLajmi.
Me këtë rast Kryeministri Kurti tha se aktualisht në Kosovë janë 21 shkolla dhe 12 profile ku vijojnë mësimet 920 nxënës, ndërsa theksoi se synimi është shtimi i numrit të shkollave dhe profileve në mbarë vendin.
“I kemi 12 profile, në 21 shkolla në 14 komuna anë e mbanë Kosovës dhe 920 nxënës janë gjithsej. Ne dëshirojmë që ky numër të rritet shumë më tepër se sa që është aktualisht. Për të mirën e ekonomisë sonë dhe të mërqenies sonë. Dëshirojmë që qytetarët e Kosovë të fitojnë mirëqenie, t’i fitojnë të ardhurat nëpërmjet punës, e më së miri kjo bëhet kur puna dhe shkolla lidhen bashkë”, u shpreh kryeministri Kurti.
Nga ana e saj ministrja e Armimit Arbërie Nagavci u shpreh se vetëm pas një viti po shohim dyfishim të fituesve në këto gara dhe se kjo tregon se edhe ministria po bën punën si duhet.
Nagavci është shprehur e kënaqur me suksesin që kanë arritur nxënësit në gara.
“Fundviti vjen i mbarë dhe gëzueshëm për ju, me mirënjohje dhe dhurata të cilat me kënaqësi i ndajmë sot me ju dhe familjet tuaja. Është ndjenjë e veçantë të ju kemi të gjithëve këtu dhe të ndajmë së bashku suksesin që ju tashmë e keni arritur”, tha ministrja, ndërsa u shpreh se angazhimi i ministrisë nuk do të mungojë edhe vitet në vijim./InLajmi/
