Presidenti i Serbisë, Aleksandar Vuçiq, tha sot se autoritetet shtetërore të Serbisë janë duke hartuar “një letër të rëndësishme për ndikimin dhe ndërhyrjen e një vendi të rëndësishëm në procesin zgjedhor të Serbisë në mënyrën më brutale, transmeton InLajmi.
“Do të përfundojë deri në Vitin e Ri dhe pastaj do ta dërgojmë në të gjithë botën në mënyrë që të shihet se si bërë një ndërhyrje e tillë në proceset që i përkasin një vendi të pavarur”,u tha Vuçiq gazetarëve në Vrbas.
Ai është i bindur se zgjedhjet republikane do të përfundojnë deri më 30 dhjetor, ndërsa zgjedhjet e qytetit në Beograd do të jenë “pak më vonë”.
“Sa i përket zgjedhjeve të qytetit, me siguri nëse lista e Branimir Nestoroviqit nuk përkrah askënd, ne do të shkojmë sërish në zgjedhje, ndërsa parlamenti republikan do të konstituohet shumë shpejt”, ka theksuar Vuçiq, shkruan Danas.rs.
Presidenti Vuçiq, ndërkaq është shprehur se zgjedhjet e mbajtura të dielën kanë qenë më të pastrat dhe më të drejtat deri më tani dhe se asnjëher më parë nuk ka marrë kaq shumë urime nga jashtë. /InLajmi/
