Gjatë muajit nëntor, INSTAT tregon se në Shqipëri kanë lëvizur në kufi 1.1 milionë shtetas të huaj dhe shqiptarë.
Kjo shifër është gati 36% më e lartë se e njëjta periudhë e një viti më parë. Daljet e shtetasve shqiptarë dhe të huaj nga territori i Shqipërisë, gjatë muajit Nëntor 2023, janë 1.074 milionë duke shënuar një rritje me 28.2 %, krahasuar me të njëjtën periudhë të një viti më parë. Ndërsa hyrjet e shtetasve shqiptare që kanë hyrë në territorin shqiptar është 552.000.
Ky numër është rritur me 22.6 %, krahasuar me një vit me pare. Numri i shtetasve të huaj që kanë hyrë në territorin shqiptar është 547.000 ky numër është rritur me 52.7 %, krahasuar me një vit më parë.
Që nga fillimi i vitit e deri ne fund të nëntorit, në Shqipëri kane ardhur 9.5 milionë shtetas të huaj ose 33.3% me shume se ne vitin 2022.
Ndërkohë daljet e shtetasve shqiptarë janë 554.000 me një rritje prej 20%. Nga fillimi i vitit shtetasit shqiptare kane bere 6.3 milionë udhëtime jashtë vendit, me një rritje prej 20%. Të huajt qe vijnë më së shumti në Shqipëri, janë europianët me gjithsej 525.000 persona, e me pas Amerika dhe Azia.
Shifrat tregojnë se nga 9.5 milionë të huaj qe erdhën në Shqipëri, 8.9 milionë u deklaruan se kishin ardhur për pushime apo takime familjare, 114.000 për biznes dhe gati gjysmë milioni kane kaluar tranzit, shkruan TopChannel.
Ndërkohë që ka një rënie të madhe të atyre që vijnë për trajtime shëndetësore. Nga 2.364 që ishin një vit më parë, këtë vit kanë ardhur, 895 me një rënie të fortë prej 62%.
