Kryetar i Aleancës për Ardhmërinë e Kosovës, Ramush Haradinaj, i bashkohet kryetarit Elezaj, drejtorit të Shëndetësisë dhe Mirëqenies Sociale, Agron Bacaj dhe kolegëve tjerë në inaugurimin e fillimit të punimeve për ndërtimin e shtëpisë për të moshuar përcjell InLajmi.
Haradinaj thekson se shtëpia për të moshuar do të shërbej edhe për qëndrim ditor ku të moshuarit do të kenë hapësirat për aktivitete ditore.
Tutje ai shton se vizituan edhe qendrën arkeologjike të Dersnikut, një monument i rëndësishëm i Dardanisë antike, e cila është vlerë e madhe për trashëgiminë tonë kulturore.
Postimi i plotë i tij:
Kryetari Zenun Elezaj dhe qeverisja e Aleancës në Klinë po vazhdojnë të jenë shembull në qeverisje, pavarësisht diskriminimit që i bëhet nga pushteti qendror.
Sot i’u bashkova kryetarit Elezaj, drejtorit të Shëndetësisë dhe Mirëqenies Sociale, Agron Bacaj dhe kolegëve tjerë në inaugurimin e fillimit të punimeve për ndërtimin e shtëpisë për të moshuar, projekt ky i financuar nga Komuna e Klinës.
Shtëpia për të moshuar përveç karakterit rezidencial do të shërbej edhe për qëndrim ditor ku të moshuarit do të kenë hapësirat për aktivitete ditore.
Gjithashtu, bashkë vizituam qendrën arkeologjike të Dersnikut, një monument i rëndësishëm i Dardanisë antike, e cila është vlerë e madhe për trashëgiminë tonë kulturore. /InLajmi/
