Kryetari i Aleancës për Ardhmërinë e Kosovës Ramush Haradinaj, gjatë takimit në Istog zhvilloi një diskutim me kolegët e tij për zhvillimet politike, aspektet organizative dhe sfidat që na presin në vitin 2024, përcjell InLajmi.
Haradinaj tha se Aleanca kurrë nuk ka qenë më e konsoliduar, si në aspektin organizativ e po ashtu në pozicionin e saj politik dhe se është e gatshme dhe e vendosur për t’i dhënë fund mashtrimit që i ka bërë vendit partia në pushtet.
Tutje ai tha se është koha që t’i dalim zot vendit, t’i ndëshkojmë mashtruesit duke refuzuar nënshtrimin dhe mashtrimin e sërishëm.
Kreu i AAK-së u shpreh duke thënë se jemi në një situatë kur duhet të rreshtohemi krah Kosovës dhe të ardhmes saj për ti dhënë fund një mendësie politike e cila Republikës sonë i solli vetëm regres dhe sanksionet pas aq shumë vitesh liri e shtet.
Postimi i plotë i tij:
Takimin e radhës së grupit koordinues të degëve të rajonit perëndimor të vendit e zhvilluam në Istog. Me kolegë zhvilluam një diskutim të frytshëm për zhvillimet politike, aspektet organizative dhe sfidat që na presin në vitin 2024.
Ishte konkluzion i përbashkët që Aleanca kurrë nuk ka qenë më e konsoliduar, si në aspektin organizativ e po ashtu në pozicionin e saj politik. Aleanca është e gatshme dhe e vendosur për t’i dhënë fund mashtrimit që i ka bërë vendit partia në pushtet. Kjo ndodh duke ndëshkuar mashtruesit që sot qeverisin me vendin, për të rikthyer perspektivën për një të ardhme të ndritshme dhe për t’i hapur rrugë Kosovës për integrim në NATO dhe BE.
Qytetari i Kosovës nuk e pranon nënshtrimin ndaj mashtruesve! Prandaj është koha që t’i dalim zot vendit, t’i ndëshkojmë mashtruesit duke refuzuar nënshtrimin dhe mashtrimin e sërishëm. Jemi në një situatë kur duhet të rreshtohemi krah Kosovës dhe të ardhmes saj për ti dhënë fund një mendësie politike e cila Republikës sonë i solli vetëm regres dhe sanksionet pas aq shumë vitesh liri e shtet. /InLajmi/
