Gjysma e 2-të e dhjetorit shënon gjithmonë fluks udhëtarësh, emigrantë të cilët vijnë në Shqipëri për të festuar Krishlindjet dhe Vitin e Ri me familjet e tyre.
Portet e vendit, aeroportet, si dhe pikat doganore numërojnë një numër të madh hyrje-daljesh, saqë shpesh bëhet i pamenaxhueshëm nga punonjësit e institucioneve.
Ndaj në Durrës, duke filluar që nga kjo e enjte, kanë nisur lundrimet e dyfishta.
Kapiteni Taulant Allkja,ka treguar se vetëm të premten mbërritën 2.000 pasagjerë, ndërsa mijëra të tjerë, emigrantë dhe turistë pritet të vijnë përgjatë fundjavës. Numri i udhëtarëve është rritur lehtë edhe në jug të vendit, në Vlorë.
Edhe aty autoritetet portuale kanë marrë masa për të përballuar fluksin e ditëve të festave.
Të enjten në Vlorë mbërritën rreth 300 pasagjerë dhe 60 mjete, ndërsa në linjën Vlore-Brindisi do të operohet me 2 tragete, shkuran Living.al
Deri më tani masat janë prezantuar vetëm për tragetet, ndërsa për pikat doganore dhe linjat ajrore pritet nëse do të ketë njoftime në ditët në vijim.
