Kryetari i Bashkësisë Islame të Kosovës Myftiu Naim Tërnava, së bashku me Kryeministrin e Kosovës Albin Kurtin vizituan xhaminë e “Osman Efendiut” apo Xhaminë e Çarshisë së Novobërdës, për të parë nga afër punimet në restaurimin e kësaj xhamie, përcjell InLajmi.
“Xhamia e “Osman Efendiut” është rikonstruktim i shekullit XVIII-të dhe është në proces të restaurimit që nga fundviti i kaluar. Procesi i restaurimit është duke u mbështetur nga BE-ja dhe duke u implementuar nga zyra e UNDP-së në Kosovë”, thuhet në njoftim.
Ajo është ndër së paku 5 xhamitë sa ishin ndërtuar në periudhën osmane, 1455, shek. XV në qytetin e Novobërdës.
Së bashku me Tërnavën dhe Kurtin xhaminë e vizitoi edhe Ministri i Kulturës, Rinisë dhe Sportit Hajrulla Çeku.
Postimi i plotë i Bashkësisë Islame të Kosovës:
Kryetari i Bashkësisë Islame të Kosovës, Myftiu Naim ef. Tërnava me bashkëpunëtorë, së bashku me kryeministrin e Kosovës, z. Albin Kurtin dhe ministrin e Kulturës, Rinisë dhe Sportit, z. Hajrulla Çeku, vizituan xhaminë e “Osman Efendiut” apo Xhaminë e Çarshisë së Novobërdës, për të parë nga afër punimet në restaurimin e kësaj xhamie.
Xhamia e “Osman Efendiut” është rikonstruktim i shekullit XVIII dhe është në proces të restaurimit që nga fundviti i kaluar. Procesi i restaurimit është duke u mbështetur nga BE-ja dhe duke u implementuar nga zyra e UNDP-së në Kosovë.
Ajo është ndër së paku 5 xhamitë sa ishin ndërtuar në periudhën osmane, 1455, shek. XV në qytetin e Novobërdës./InLajmi/
