I pyetur për detajet e sulmit të ndodhur në Banjskë në 24 shtator, ministri i Punëve të Brendshme, Xhelal Sveçla u shpreh se është duke pritur raportin e policisë dhe të prokurorisë, raporton InLajmi.
Gjatë konferencës, Sveçla u shpreh se shumë shpejt do të kenë një raport preliminar mbi të gjeturat nga ky rast dhe se për këtë ngjarje janë duke u zhvilluar hetimet më të mëdha në historinë e Republikës së Kosovës.
“Për çështjen e sulmit terrorist në Bansjkë më 24 shtator, tashmë jeni njoftuar që Policia e Kosovës me Prokurorinë janë duke bërë hetimet më të mëdha në historinë e Republikës së Kosovës. Patjetër unë shpresoj që shumë shpejtë do ta dalin me rezultatet preliminare, kjo është edhe një ndër kërkesat që i kam adresuar edhe Policisë dhe Prokurorisë përmes Policisë, që sa më shpejtë të kemi një raport preliminar mbi të gjeturat nga ky rast, por edhe nga rasti i kidnapimit të policëve”, tha ministri.
Gjithashtu nën hetime është edhe rasti i rrëmbimit të policëve në kufi. /InLajmi/
