Eksperti i komunikacionit Nol Dedaj, thotë se në Kosovë për fat të keq nuk ekziston Ligji i Sigurisë, por edhe ligji mbi rregullat në trafik që është në fuqi sipas tij duhet të ketë ndryshime të jashtëzakonshme.
“Për fat të keq Ligji i Sigurisë nuk ekziston, ekziston ligji mbi rregullat e trafikut dhe ligji mbi rregullat e trafikut që unë kam marr pjesë në dëgjimin publik thjesht 80% nuk i përket sigurisë dhe duhet të bëhen ndryshime të jashtëzakonshme. Grupi që ka punuar aty me sa unë kam informata ata nuk janë profesional dhe nuk merren fare me sigurinë rrugore”, ka thënë ai.
se pavarësisht ndryshimit të ligjit, nuk do të ketë përmirësim të sigurisë në komunikacion.
“Do të thotë efekti i ndërrimit të ligjit mbi rregullat e trafikut fare nuk do të ketë ndikim në përmirësimin e sigurisë së komunikacionit rrugor”, është shprehur ndër të tjera Deda për Front Online.
Sipas Dedajt, institucionet e vendit nuk kanë krijuar institutet përkatëse sa i përket marrjes së masave preventive për parandalimin e aksidenteve.
Ai, ka treguar edhe për masat që duhet t’i marrin institucionet e Kosovës.
“Masat preventive që duhet patjetër që me i marr institucionet tona duhet të krijojnë disa institucione përkatëse për hulumtimin e faktorëve që ndikojnë në aksidente në komunikacion, njëkohësisht dhe rekomandimet e atyre kështu që kjo është e vetmja formë që munden me i parandalu aksidentet në komunikacion rrugor”, ka shtuar eksperti Deda.
