Kompleksi “Rajska Banja” në Banjskë të Zveçanit është marrë nën kontroll nga Agjencia Kosovare e Privatizimit e për këtë ka folur edhe ministri i Punëve të Brendshme Xhelal Sveçla, raporton InLajmi.
Ai u shpreh se AKP është pronare e këtij kompleksi dhe se kjo ngjarje duhet të shërbejë si mësim për të gjithë ata që bëjnë investime të paligjshme.
“Pronare e këtij kompleksi është AKP dhe për këtë nuk ka kurrfarë dyshimi, pse dikush ka investuar jashtëligjshëm, ky është mësim për të gjithë ata që duan të investojnë jashtëligjshëm se nuk mund ta bëjnë”, tha ai.
Më tutje, Zveçla shtoi se marrja në menaxhim e këtij kompleksi nga ministria e tij vjen për shkak të bashkimit të saj me ish mnistrinë e Administratës Publike.
“Ish- ministria e Administratës ka Departamentin e menaxhimit të objekteve të llojeve të tilla në pronësi të shtetit. Kjo është arsyeja pse e kemi marrë në menaxhim këtë objekt”, tha Sveçla.
Tashmë ky kompleks do të jetë në pronësi të shtetit dhe do të menaxhohet nga AKP. /InLajmi/
