Lëvizja Vetëvendosje ka reaguar ndaj opozitës e cila vazhdon dërgimin e ligjeve të Qeverisë në Gjykatën Kushtetuese, ndërsa theksojnë se opozita e pa alternativë përmes kushtetueses po vazhdon ta mbrojë shtetin e kapur për ti mbrojtur të fuqishmit e ekonomisë e të privatizimit, përcjell InLajmi.
Sipas VV-së kjo nuk ka të bëjë me opozitbërje, kjo është përpjekje e Klubit të Stërvjetëruar Politik që të ruaj grupet e interesit në mënyrë që të ruhet pasuria e tyre.
Për më tepër Vetëvendosje thekson se opozita dërgon ligjet e qeverisë në kushtetuese në mungesë të kritikës së mirëfillt dhe alternativave të vendimeve tona sikur edhe me qëllim bllokimin e reformave progresiste.
Lëvizja Vetëvendosje, pëmend që opozita ka dërguar në Gjykatën Kushtetuese Ligjin për Byronë e Konfiskimit të Pasurisë dhe atë për Këshillin Prokurorial, Ligjin për çmimet tavan dhe atë për Fondin Sovran.
Postimi i plotë:
Opozita e pa alternativë, vazhdon ta shfrytëzoj Gjykatën Kushtetuese për ta mbrojtur shtetin e kapur dhe për t’i mbrojtur të fuqishmit e ekonomisë dhe privatizimit.
Pra, nga njëra anë ajo dërgon Ligjin për Byronë e Konfiskimit të Pasurisë dhe atë për Këshillin Prokurorial, kurse në anën tjetër Ligjin për çmimet tavan dhe atë për Fondin Sovran.
Në mungesë të kritikës së mirëfilltë dhe alternativave ndaj propozimeve e vendimeve tona, me qëllim bllokimin e reformave tona transformuese e progresiste vazhdojnë të dërgojnë ligje në Gjykatën Kushtetuese. Kjo nuk ka të bëjë me opozitbërje, kjo është përpjekje e Klubit të Stërvjetëruar Politik që të ruaj grupet e interesit në mënyrë që të ruhet pasuria e tyre. /InLajmi/
