Deputetja e PDK, Ariana Musliu Shoshi ka kritikuar vendimin e Qeverisë për skemën e subvencionimit të energjisë elektrike, përcjell InLajmi.
Në reagimin e saj, ajo shtron pyetjen se përse rryma po paguhet për serbët në veri, dhe ndërkohë kjo gjë nuk po bëhet për kategoritë e dala nga lufta.
Më tutje ajo shton se Qeveria në vazhdimësi është duke e injoruar këtë kategori.
Ndërkohë ajo shprehet se është kthyer në rutinë shkelja e Kushtetutës.
Postimi i saj i plotë pa ndërhyrje:
Albin, pse duhet me pagu rrymën për serbët në veri e JO për ushtarët e UÇK-së, invalidët e luftës, viktimat e dhunës civile e veteranët?
Kjo qeveri i ka përjashtuar këto kategori nga subvencionimi i energjisë elektrike edhepse si kategori të veçanta e kanë të garantuar me ligj!
Mos të harrojmë, kjo qeveri e ka rutinë ditore të shkel ligjet e kushtetutën, mos të flasim për injoromin në vazhimësi të atyre që dhanë gjithçka pë lirinë tonë. /InLajmi/
