Vëzhguesit e CRTA (Qendra për Kërkime, Transparencë dhe Përgjegjësi), një organizatë e pavarur, jopartiake e shoqërisë civile e dedikuar për zhvillimin e kulturës demokratike dhe aktivizmit qytetar, u sulmuan në Oxhaci dhe automjeti i tyre u shkatërrua.
Kështu tha në konferencën e sotme për media, drejtori i programit të CRTA, Rasha Nedeljkov.
“Vëzhguesit e KRRTRSH-së janë sulmuar në Oxhaci të fshatit Karavukovë dhe me atë rast automjeti i tyre është shkatërruar. Këto janë fotot e automjeteve të ekipit tonë mobil që vëzhguan ngjarjet jashtë qendrave të votimit. Bëhet fjalë për ekipin që ka përcjellë ngjarjet para qendrës së votimit numër 8”, tha Nedeljkov.
“Ekipi mobil ka konstatuar veprime për të cilat dyshohet se janë “treni bullgar”. Dhjetra fletë votimi janë nxjerrë nga qendra e votimit dhe janë dërguar në ambientet e partisë matanë rrugës. E njoftuam policinë dhe më pas në qendrën e votimit është afruar një BMW X5 e zezë me targa të Beogradit”, shtoi ai, shkruan Front Online.
“Vëzhguesit tanë, edhe pse nga larg e panë inspektorin që kishte ardhur për të marrë deklaratat e dëshmitarëve, filluan të tërhiqen nga ai vendvotim dhe u drejtuan në drejtim të Oxhakut në stacionin policor”, përfundoi ai.
