Kryetari i Prishtinës, Përparim Rama falënderon Jusuf Islamin, organizatorin e ngjarjes “Vrapo Babadimër” që u mbajt sot në Prishtinë ku morrën pjesë mbi 3500 qytetarëve përcjell InLajmi.
Rama thekson se kjo kauzë u organizua për qëllime të mira duke u shprehur se përmes fondit të mbledhur janë siguruar shtretër për nënat që kujdesen për fëmijët në Klinikën e Hematologjisë Pediatrike në QKUK dhe shton se janë siguruar pako ushqimore për 250 familje në nevojë.
Kreu i Prishtinës duke e marrë parasysh këtë pjesëmarrje masive në këtë edicion shprehet se bashkë mund të bëjmë gjëra të mëdha.
Postimi i plotë i tij:
Të gjithë bashkë mund të bëjmë gjëra të mëdha!
Kjo u dëshmua sot me pjesmarrjen masive të mbi 3500 qytetarëve në “Vrapo Babadimër”.
Sot mbushëm rrugët e kryeqytetit për kauzë të madhe, atë të ndihmës për fëmijë, të cilët po trajtohen në Klinikën e Hematologjisë Pediatrike në QKUK, e që ne përmes fondit të mbledhur nga të gjithë ne, janë siguruar shtretër për nënat që kujdesen për këta fëmijë në spital dhe po ashtu kemi siguruar pako ushqimore për 250 familje në nevojë.
Falënderim i madh për Jusuf Islamin, organizatorin e gjithë ngjarjes, i cili na bënë bashkë çdo vit për kauza të fisme e shumë të rëndësishme. /InLajmi/
