Deputetja e Lidhjes Demokratike të Kosovës, Rrezarta Krasniqi ka reaguar ndaj zhvillimeve politike të 2023, duke e konsideruar si një vit të dështuar, përcjell InLajmi.
Në reagimin e saj, deputetja, njëherazi edhe Kryetare e Komisionit Parlamentar për Integrim Evropian, u shpreh se dështimet në politkën e jashtme dhe atë integruese vijnë si pasojë e dështimeve në politikën e brendshme të vendit.
Më tutje Krasniqi u shpreh se rezultatet negative nuk i meriton, por i kanë ndodhur për shkak të qeverisjes aktuale.
Postimi i plotë:
Uroj që viti 2024 të jetë një vit që e meriton Kosova!
Edhe në vitin që po lëmë pas u bënë shumë hapa pas. Dështimi në politikë të jashtme dhe në procesin integrues është vetë dështimi i qasjes së politikës së brendshme. Është një rezultat i keq që nuk e duam asnjëherë. Është përgjegjësi e plotë e pushtetit aktual.
Disa nga rezultatet që Kosova nuk i meriton, mirëpo qeverisja aktuale ia ngarkon fatkeqësisht:
Rezultat i keq: asnjë njohje e re për Kosovën tonë.
Rezultat i keq: asnjë anëtarësim në organizatat ndërkombëtare.
Rezultat i keq: sanksione për vendin tonë.
Rezultat i keq: 295 milion euro te bllokuara nga BE.
Rezultat i keq: përjashtimi i Kosovës nga “Defender Europe ‘23”.
Rezultat i keq: nga ambasador në tregtar me plot dyshime për keqpërdorim, dhe atë për energji elektrike me kompani serbe.
Rezultat i keq: rezervat shtetërore sigurohen jashtë vendit nga personat pa përgjegjësi shtetërore e me shumë dyshime për keqpërdorim.
Rezultat i keq: 7500 në muaj për këshilltar pa asnjë rezultat.
E shumë të tjera, fatkeqësisht! /InLajmi/
