Ministrja e Ekonomisë Artane Rizvanolli, ka zhvilluar një takim me Drejtoreshën për Çështje të Evropës Qendrore dhe Jugore në Departamentin e Shtetit të SHBA-së Colleen Hyland, me të cilën diskutuan për tema të ndryshme të zhvillimit ekonomik, përcjell InLajmi.
Rizvanolli tha se diskutuan për eksportin, tregun e punës, punësimin e grave, tërheqjen e investimeve të huaja direkte, energjia e sektori dinamik i TIK-ut.
Ministrja tha se gjatë diskutimit ka shprehur mirënjohjen për përkrahjen e Qeverisë së Shteteve të Bashkuara të Amerikës dhe agjensive si USAID e MCC për rolin e tyre të rëndësishëm në zhvillimin e sektorit të ekonomisë, e në veçanti atij të energjisë.
Postimi i plotë i saj:
Ishte kënaqësi të diskutojmë me Colleen Hyland, Drejtoreshë për Çështje të Evropës Qendrore dhe Jugore në Departamentin e Shtetit të SHBA-ve, për tema të ndryshme të zhvillimit ekonomik si eksporti, tregu i punës, punësimi i grave, tërheqja e investimeve të huaja direkte, energjia e sektori ynë dinamik i TIK-ut.
Znj. Hyland e njeh shumë mirë Kosovën pasi ka shërbyer si Zëvendës Shefe e Misionit në Ambasadën Amerikane në Kosovë, e më parë edhe si Këshilltare për Politikë e Ekonomi. Andaj është kënaqësi të ndaj me të progresin e Kosovës gjatë këtyre viteve, për të cilin edhe ajo vetë ka kontribuar.
Gjatë diskutimit shpreha mirënjohjen për përkrahjen e Qeverisë së Shteteve të Bashkuara të Amerikës dhe agjensive si USAID e MCC për rolin e tyre të rëndësishëm në zhvillimin e sektorit të ekonomisë, e në veçanti atij të energjisë. /InLajmi/
