Sekretariati për Procedurat, Votimet dhe Etikën, vendosi sot përjashtimin me 10 ditë të 3 deputetëve të PD-së Edmond Spaho, Saimir Korreshi dhe Kastriot Piroli, të cilët ndezën tymuese dhe shkaktuan kaos në seancën e djeshme plenare.
Sekretariati u mblodh sot për të shqyrtuar kërkesën e një grupi deputetësh të Grupit Parlamentar të Partisë Socialiste, për marrjen e masës disiplinore ndaj 3 deputetëve të opozitës.
PS kërkoi përjashtimin e Saimir Korreshit, Edmond Spahos dhe Kastriot Pirolit, pas veprimeve të kryera në seancën e djeshme me ndezjen e tymueseve, shkruan ATA.
Ditën e djeshme Kuvendi miratoi dhe ndryshimet në Rregulloren e Kuvendit të cilat parashikojnë përjashtim të deputetëve deri në 2 muaj.
