Kryetari i PDK Memli Krasniqi, ka zhvilluar një vizitë në Mitrovicë teksa shihte disa punime të kryera nga kjo komunë, përcjell InLajmi.
Krasniqi e konsideroi kryetarin e kësaj komune, Bedri Hamza si një shembull i cili nëpërmjet punës është duke rikuperuar kohën e humbur duke realizuar projekte të cilat po përmirësojnë jetën e qytetarëve.
Më tutje, kryetari i PDK, kritikoi Qeverinë, e cila sipas tij është duke e diskriminuar këtë komunë dhe nuk po realizon asnjë projekt kapital për Mitrovicën.
Postimi i tij i plotë:
Komunat të cilat udhëhiqen nga Kryetarët e PDK-së, edhe sipas raporteve zyrtare, janë kampione të qeverisjes së mirë, transparencës buxhetore dhe në realizimin e projekteve transformuese për qytetarët.
Bedri Hamza është Kryetar shembull, i cili, me punë, përgjegjësi e profesionializëm, po rikuperon kohën e humbur për qytetin e Mitrovicës. Investimet e Kryetarit Hamza në infrastrukturë, shëndetësi, arsim, kulturë, sport, bujqësi dhe sektorë të tjerë, po lehtësojnë dhe përmirësojnë jetën e qytetarëve të Mitrovicës.
Gjatë kësaj vizite, përcolla nga afër punimet që po i realizon Komuna e Mitrovicës në ndërtimin e Qendrës së Mjekësisë Familjare në Koshtovë, në rrugën “Dëshmorët e Kombit” në Shipol dhe në bulevardin “Mbretëresha Teutë”, hapësirën ku po ndërtohet shëtitorja pranë lumit Ibër, që lidh shëtitoren e qytetit me shëtitoren e Liqenit Akumulues, si dhe punimet e Ballkonit të Mitrovicës në parkyn panoramik mbi qytet. Po ashtu, bashë me Kryetarin Hamza, patëm një diskutim shumë frytdhënës me të rinjtë dhe studentët e Mitrovicës.
Fatkeqësisht, Qeveria qendrore, e cila po hyn në vitin e katërt të qeverisjes, nuk e ka realizuar asnjë projekt kapital për Mitrovicën. Diskriminimi hakmarrës i Qeverisë ndaj komunave të cilat nuk i udhëheqë partia e Kryeministrit, është zhgënjyes! /InLajmi/
