Ministri i MBPZHR-së, Faton Peci, në emisionin “Politiko me Kushtrim Sadikun”, ka thënë se veriu është ambient më i sigurt në krahasim me të kaluarën.
“Secilen ditë vullneti i qytetarëve të veriut për të përqafuar autoritetet e Kosovës por njëkohësisht për të shfrytëzuar benefitet që shoqëria jonë i ofron ka me qenë në një trend të rritjes dhe shtrirja e sovranitetit është në interes të përgjithshëm shoqëror”, ka thënë Ministri Peci.
Ai tutje tha që dallimi me para 3 vitet në veri është substancial, shkruan Gazeta10
“Të kaluarën nuk ka pasur prezencë policore në shumicën e pjesëve, pjesa e shtrirjes së internetit, është luftu krimi e korrupsioni, kontrabanda, arrestimi i protagonistëve që kanë ushtruar dhunë edhe ndaj qytetarëve që kanë pranuar realitetin e Kosovës”, ka thënë tutje ministri Peci.
