Ish-kryeministri Isa Mustafa ka reaguar ndaj zëvendëskryeministrit Besnik Bislimi, për deklaratat e tij për Asociacionin e Komunave me shumicë serbe, duke e quajtur opozitën bashkëpunëtore të Serbisë, përcjell InLajmi
Mustafa, tutje shprehet se të tilla deklarata janë fushatë e ultë politike duke tentuar ta pastoron veten dhe qeverinë nga përgjegjësit e marrveshjeve të fundit.
Tutje theksoi ish-kryeministri se Statuti, me të cilin është pajtuar z. Bislimi promovon Autonominë politike dhe territoriale të serbëve në Kosovë, prandaj tha si se nuk mund të jetë Statut i Asociacionit por është Statut mbi Autonominë!?
Për më tepër ustafa kujtoi se ajo që është pranuar tani është diçka krejtësisht e re, që nuk mund të mbështillet me marrëveshjet e mëparshme.
Kujtojmë se zëvendëskryeministri Besnik Bislimi ka akuzuar opozitën në Kosovë se në disa raste po koordinohet me Serbinë, ndërsa për presidentin serb ka thënë se “ku është problemi te Vuçiqi, i cili po thotë se nuk po e dua këtë SuperZajednicë, por po e dua atë Zajdenicën e Isa Mustafës”.
Postimi i plotë i tij:
Besnik Bislimi në një intervistë mbrëmë në RTK, bëri fushatë të ulët politike. Opozitën e quajti bashkëpunëtore të Serbisë, dhe për ta larë veten dhe qeverinë Kurti nga papërgjegjësitë për marrëveshjen e fundit me Serbinë, u mor edhe me mua. Nuk ndjej ndonjë kënaqësie kur njerëzit që nuk i konsideroj merren me mua, sepse si kundërshtar politik do duhej të merreshin me opozitën, pasi unë nuk po shfaqi pretendime t’ua marr pushtetin. Por dëshiroj të theksoj se çdo gjë që e tha mbrëmë në kontekst të dokumentit të vitit 2015 ishte një pavërtetë e kulluar, për fat të keq e dalë nga goja e një zëvendëskryeministri të Republikës së Kosovës dhe profesor i Kolegjit Amerikan në Prishtinë.
Statuti i Asociacionit që qarkullon në opinion dhe tani e kanë edhe deputetët, nuk konsiston në asnjë formë me Marrëveshjen e vitit 2013, vetëm thirret në mënyrë abuzive në te. Statuti, me të cilin është pajtuar z. Bislimi promovon Autonominë politike dhe territoriale të serbëve në Kosovë. Prandaj edhe nuk mund të jetë Statut i Asociacionit por është Statut mbi Autonominë!? Është diçka krejtësisht e re, që nuk mund të mbështillet me marrëveshjet e mëparshme. Janë të çoroditura edhe pikëpamjet e Bislimit mbi mënyrën sesi do ti përcillet ky statut në shqyrtim Gjykatës Kushtetuese, sepse ajo nuk është mentore e Qeverisë dhe recenzente e vendimeve të saj, por ajo shqyrton se a është një akt juridik i qeverisë në harmoni me Kushtetutën; jo një akt i hartuar nga jashtë qeveria. Në këtë rast qeveria nuk mund ta luajë rolin e postierit por të vendimmarrësit. IM /InLajmi/
