Profesori, Valon Murtezaj, kritikon për herët dytë partinë e Lidhjes Demokratike së Kosovës duke u shprehur se nuk mund të rri heshtur për peshën e vendimeve dhe pasojave që po i merr LDK-ja përcjell InLajmi.
Ky reagim i Murtezaj vjen nga mospërfshirja e tij në përbërjen e Kryesisë së LDK-së.
Murtezaj shprehet se qëndrimet e tij do ti shpalos përmes formave të tjera të komunikimit me anëtarësinë e LDK-së, qytetarin dhe publikun në përgjithësi.
Ai shton se për Liri dhe Demokraci, i rrënjosur në Dardaninë Antike, për Kosovën evropiane, është i gatshëm gjithmonë.
Postimi i plotë i tij:
Zonja dhe Zotërinj,
Në Kryesinë e LDK-së merren vendime për qëndrimet e LDK-së, në raport me çështjet më të rëndësishme. Kjo përfshin edhe qëndrimet për interesa nacionale të Republikës së Kosovës.
I ndërgjegjshëm për peshën e këtyre vendimeve dhe pasojave, unë nuk mund të rri heshtur.
Pas mbylljes së derës me metoda të shëmtuara të tyre, dhe mundësisë, i gjendur në rrethana të pamundësisë për të shprehur qëndrimet dhe pikëpamjet e mia, në nivelin më të lartë të strukturës organizative të Lidhjes Demokratike të Kosovës, në Kryesinë e saj, do të më duhet dhe do të vazhdoj që qëndrimet e mia t’i shpalos përmes formave të tjera të komunikimit me anëtarësinë e LDK-së, qytetarin dhe publikun në përgjithësi.
Përgjatë historisë është e dëshmuar se mentaliteti autoritar një gjë nuk e kupton, se zëri i të vërtetës nuk mund të shuhet.
Të dehur nga “festa” e pushtetit të instaluar në nivelin më të lartë të LDK-së, ata e kanë ngatërruar shënjestrën.
Si rrjedhim, në kohët që po vijnë, si njeri i lirë, do të vazhdoj të jem prezent për të shfaqur me ndërgjegje, vendosmëri dhe përgjegjësi qytetare mendimet dhe qëndrimet e mia, gjithë atë që në bindjen time e vlerësoj se është në shërbim të interesit më të lartë për qytetarët e Kosovës dhe interesat nacionale të Republikës së Kosovës.
Për Liri dhe Demokraci, i rrënjosur në Dardaninë Antike, për Kosovën evropiane, gjithmonë. /InLajmi/
