I pari i PSD-së, Dardan Molliqaj, në emisionin “Reload” të Dukagjinit ka treguar për fëmijërinë e tij, gjatë kohës së luftës në Kosovë.
Ai ka treguar se si fëmijë, i inspiruar nga babai i tij, ka qenë i interesuar për Ushtrinë Çlirimtare të Kosovës UÇK.
Gjithashtu, ai në “Reload” ka kujtuar një moment kur ishte gëzuar, pasi kishte parë për herë të parë emblemën dhe uniformat e UÇK-së.
“Pastaj ka shkuar babai në Gllogjan dhe ku është kthyer më ka treguar detaje që unë si fëmijë më intresojshin shumë, për shkak të prindit… dhe tani kam qenë i kyçur në çdo takim që është mbajt në shpinë tonë të babës me shokët e fshatit, ku menjëherë me datën 29 kanë shkuar me marrë armatim në Shqipëri… dhe kur është kthyer pas 2 ose 3 ditësh më ka cu prej gjumit, e ka ditë që kam qejf dhe ma çuar në katin e 2-të ku ka qenë një dhomë e parregulluar dhe mi ka treguar armët dhe tesha, e u pata gëzuar shumë…aty i pata parë për herë të parë teshat e UÇK, emblemën dhe armët dhe prej atij momenti kam qenë i përfshirë % për %”, ka treguar Molliqaj.
Molliqaj ka treguar se gjatë kohës së luftës ka bartur bukë për disa pjesëtarë të UÇK-së.
“Në periudha të ndryshme kam bërë sene për ushtrinë Para shtatorit të ’98 të Beleg mbetën 7 deri 11 veta që bënin roje, unë prej fshatit Llukë çdo mëngjes me biçikletë kam çuar bukët atje. Dhe shpesh gjatë shkuarjes ka pasur granatime të fuqishme ose sulme, ku kam mbet nëpër kanale të ndryshme. Dhe prej qejfit të madh më lejojshin të flejë aty, në pikë dhe më lejoshin me bë roje natën me një ose 2 ushtarë dhe shkoi tu u rritë kjo deri pas lufte”, ka shtuar Molliqaj.
