Pavarësisht propozimit të Komisionit për Buxhet e Financa që vlera e koeficientit të pagës jetë 115 euro, shumica parlamentare nuk e mbështetën këtë amandament, kështu që vlera e koeficientit të pagave për vitin 2024 do të mbetet 110 euro sikur që është përcaktuar me Ligjin e Pagave, raporton InLajmi.
Pra , shumica parlamentare e Lëvizjes Vetëvendosje votuan kundër propozimit të Komisionit për Buxhet dhe Financa.
Ndërkohë pro rritjes së koeficientit përveç opozitës votuan edhe 2 deputetët e Lëvizjes Vetëvendosje , Eman Rrahmani e Visar Korenica.
“Po besoj që kryetari i komisionit duhet me specifiku që amandamenti 7, pika a, është me mbështetje të komisionit funksional dhe ka të bëjë me koeficientin e ligjit të pagave të bëhet 115 euro. Pra, ka kalu në komision dhe ka marrë përkrahjen e komisionit funksional”, tha deputeti i LVV-së, Eman Rrahmani.
Por, deputeti i Vetëvendosjes Armend Muja tha se shumica nuk e përkrah këtë amandament.
