Deputeti i Partisë Demokratike së Kosovës, Mërigm Lushtaku, kritikon qeverinë Kurtin për qeverisje të dobët dhe mungesë të projekteve si reagim ndaj krizës ekonomike në vend, përcjell InLajmi.
Sipas tij gjendja ekonomike e rëndë po i shtyn qytetarët për tu larguar nga Kosova.
Ai tha se kjo qeveri do të mbahet mend vetëm për mungesë të transparencës, fshehje të hajnive.
“Kjo Qeveri do të mbahet mend vetëm për demagogji, për mungesë të transparencës, fshehje të hajnive dhe degradim të çdo institucioni” tha Lushtaku.
Lushtaku shprehet se Qeveria Kurti vetë ka rritur varfërin përderisa ka akoma qytetarë që kalojnë muajin me 45 euro.
“Qytetarët po e humbin çdo ditë interesimin për të jetuar në Kosovë. Qeveria Kurti nuk ka ditur të sjell një projekt të madh që të zvogëloj varfëri në Kosovë. Ne ende kemi qytetarë që jetojnë me nga 45 euro në muaj”, tha ai.
Këto kritika Lushtau i adresoi ndaj qeverisë Kurti në seancën ku po diskutohet në lexim të 2-të Projekthbuxheti i Kosovës për vitin 2024./InLajmi/
