Kryetari i Partisë Demokratike të Kosovës Memli Krasniqi, ka thënë se Qeveria e Kosovës për qytetarët e Komunës së Vitisë ka paraparë vetëm 4 euro për kokë banori për buxhetin e vitit të ardhshëm, përcjell InLajmi.
Këtë ndarje kreu i PDK-së e quajti diskriminim, i cili pengon zhvillimin e mëtutjeshëm ekonomik të Vitisë.
Krasniqi tha se janë inkurajuese iniciativat private, të kompanive si “EuroFisi” dhe “Grasep” të cilat, si shumë ndërmarrës anë e mbanë Kosovës, ku po arrijnë të krijojnë vende të punës dhe po mundësojnë zhvillim ekonomik lokal, përkundër mungesës së mbështetjes institucionale.
Postimi i tij i plotë:
Vetëm 4 euro për kokë banori është shuma që ka paraparë Qeveria për qytetarët e Komunës së Vitisë në buxhetin e vitit të ardhshëm për projektet e reja investive. Diskriminim i skajshëm, i cili e pengon zhvillimin e mëtutjeshëm ekonomik të kësaj komune.
Janë inkurajuese iniciativat private, të kompanive si “EuroFisi” dhe “Grasep” të cilat, si shumë ndërmarrës anë e mbanë Kosovës, po arrijnë të krijojnë vende të punës dhe po mundësojnë zhvillim ekonomik lokal, përkundër mungesës së mbështetjes institucionale.
Partia Demokratike e Kosovës, programin zhvillimor dhe me qendër qytetarin, të cilin po e zbaton në nivelin lokal e i cili sot i duhet shumë Kosovës, do ta zbatoj edhe në nivelin qendror. /InLajmi/
