Kryetari i Aleancës për Ardhmërinë e Kosovës Ramush Haradinaj, në Kuvendin e Kosovës e ka quajtur skandaloz buxhetin e shtetit për vitin 2024, raporton InLajmi.
Haradinaj tha se diskriminimi që Kurti u ka bërë komunave që nuk udhëhiqen nga Vetëvendosje, nuk ka ndodh as në kohën e Rankoviqit dhe se kryeministri u ka shpallur luftë të hapur qytetarëve të Kosovës.
“Në Kuvendin e Kosovës është nxjerrë për miratim Buxheti më skandaloz që ka pasë Kosova ndonjëherë. Diskriminimi që u ka bërë Albin Kurti komunave që nuk janë nën qeverisjen e partisë së tij, nuk ka ndodhur as në kohën e Rankoviqit. Me këtë buxhet Albin Kurti i ka shpallë luftë të hapur qytetarëve të këtij vendi, duke ja u pakësu edhe bukën”, ka thënë ai.
Tutje kreu i AAK-së bëri thirrje Kurtit të tërhjek buxhetin sa nuk ka filluar padëgjueshmëria qytetare.
“Haradinaj i ka bërë thirrje kryeministrit Kurti që t’a tërheq buxhetin sa nuk ka filluar padëgjueshmëria qytetare. Kryeministër, tërhiqe këtë buxhet sa nuk je përballur me padëgjueshmëri qytetare. Nëse nuk e tërheqë këtë buxhet, u sugjeroj qytetarëve të komunave të dëmtuara, të të shpallin “nongrata”!”, është shprehur ai./InLajmi/