Gjatë mbledhjes së zhvilluar në Kuvend për buxhetin e vitit 2024, kryetari i Aleancës për Ardhmërinë e Kosovës, Ramush Haradinaj ka dhënë kritika të ashpra ndaj Qeverisë, raporton InLajmi.
Sipas tij, me këtë buxhet, Albin Kurti u ka hapur luftë qytetarëve e tha se këtë lloj diskriminimi nuk e ka parë as në kohën e Rankoviqit.
“Në Kuvendin e Kosovës është nxjerrë për miratim Buxheti më skandaloz që ka pasë Kosova ndonjëherë. Diskriminimi që u ka bërë Albin Kurti komunave që nuk janë nën qeverisjen e partisë së tij, nuk ka ndodhur as në kohën e Rankoviqit. Me këtë buxhet Albin Kurti i ka shpallë luftë të hapur qytetarëve të këtij vendi, duke ja u pakësu edhe bukën”, ka thënë Haradinaj.
Më tutje, kryetari i AAK-së u ka bërë thirrje qytetarëve të komunave që janë përjashtuar nga buxheti ta shpallin kryeministrin “nongrata”. Ndërkohë i bëri thirrje Albin Kurtit që të tërheqi buxhetin para se të fillojë padëgjueshmëri qytetare.
“Haradinaj i ka bërë thirrje kryeministrit Kurti që tya tërheq buxhetin sa nuk ka filluar padëgjueshmëria qytetare. Kryeministër, tërhiqe këtë buxhet sa nuk je përballur me padëgjueshmëri qytetare. Nëse nuk e tërheqë këtë buxhet, u sugjeroj qytetarëve të komunave të dëmtuara, të të shpallin “nongrata”!”, është shprehur Haradinaj.
Seanca është shoqëruar me diskutime të shumta rreth shpërndarjes së buxhetit për vitin 2024. /InLajmi/
