Në mbledhjen e Qeverisë, kryeministri Albin Kurti njoftoi se do të themelohet Mekanizmi i Paralajmërimit të Hershëm për të bërë të mundur monitorimin e lëvizjes së qytetarëve pas liberalizimit të vizave, raporton InLajmi.
Kurti u shpreh se ky është një mekanizëm ndërinstitucional i cili përveç monitorimit të trendit të lëvizjes ka për qëllim edhe analizimin e të dhënave në lidhje me lëvizjet drejt zonës Schengen si edhe rekomandimin e masave që mund të duhen të ndërmerren nga institucionet përkatëse për një menaxhim të suksesshëm të situatës.
“Ky mekanizëm ndërinstitucional ka për qëllim të monitorojë trendet e lëvizjeve të migrimit pas liberalizimit të vizave nga Bashkimi Europian, të mbledh dhe të analizojë të dhëna lidhur me lëvizjet e shtetasve të Republikës së Kosovës në shtetet e zonës Schengen, si dhe të rekomandojë ndërmarrjen e masave për institucionet relevante me qëllim të menaxhimit të suksesshëm të procesit”. Tha ai.
Nga 1 janari, qytetarët e Kosovës do të kenë mundësinë që të lëvizin pa viza në zonën Schengen. /InLajmi/
