Presidentja e Kosovës Vjosa Osmani, ka reaguar ndaj deklaratës së deputetes britanike Alicia Kearns duke e falënderuar për mbështetjen e treguar, përcjell InLajmi.
Në reagimin e saj, Osmani shprehet se paqja dhe siguria janë baza e një të ardhme frytdhënëse për të gjithë rajonin e Ballkanit Perëndimor e sipas saj këto të dyja ndodhin kur llogaridhënia dhe drejtësia janë në fokus.
Presidentja reagimin e saj e mbylli duke bërë thirrje për heqjen e masave ndaj Kosovës.
Postimi i saj i plotë:
Faleminderit Alicia Kearns dhe të gjithë Kryetarëve të tjerë në Europë për mbështetjen tuaj. Paqja dhe siguria janë themeli i një të ardhmeje frytdhënëse për të gjithë rajonin e Ballkanit Perëndimor. Paqja dhe siguria mbizotërojnë kur llogari dhënia dhe drejtësia janë në fokus. Masat e padrejta ndaj Kosovës duhet të largohen. /InLajmi/
