Të mërkurën, në rrugën nacionale Prishtinë-Pejë ka ndodhur një aksident trafiku, nga i cili janë lënduar 4 persona, të cilët kanë kërkuar ndihmë mjekësore, përcjell InLajmi.
Rastin e ka konfirmuar zëdhënësi i Policisë së Kosovës Bajram Krasniqi, i cili tha se në aksident janë përfshirë 2 vetura dhe se policia është duke u marrur me aksidentin i cili ka ndodhur në Komoran.
“Rreth orës 18:30, policia është njoftuar për një aksident trafiku të ndodhur në rrugën nacionale Prishtinë-Pejë, fshati Komoran. Njësia policore njofton nga vendi i ngjarjes se në aksident janë përfshirë 2 vetura dhe 4 persona kanë kërkuar ndihmë mjekësore. Policia është duke u marrë me aksidentin”, konfirmon Krasniqi. /InLajmi/
