Deputeti i Lidhjes Demokratike së Kosovës, Avdullah Hoti ka reaguar për marrëveshjen mes KEDS-it dhe Elektroserver-it shton se kjo marrëveshje nuk është bërë publike dhe ka shumë konfuzione përcjell InLajmi.
Hoti thekson se sipas raportimit të ZRRE-së në Komisionin Parlamentar për Buxhet, Financa dhe Transfere, Qeveria e Kosovës ka pagur 113 milion euro për energjinë e shpenzuar në komunat në veri në vitin 2021 dhe 2022.
Tutje deputeti i LDK-së i pyet Kryeministrin e Kosovë, Albin Kurtit se a qëndron ende deklarata që Elektroserveri nuk duhet të pranohet kurrsesi nëse KEDS-i nuk i mbledh faturat në veri.
Postimi i plotë i tij:
Sot kam shtruar pyetje parlamentare për përgjigje me shkrim lidhur me marrëveshjen mes KEDS dhe Elektroserver.
- Kur është nënshkruar marrëveshja mes KEDS-it dhe Elektroserverit?
- Ju lutem të dërgoni kopjen e kësaj kontrate.
- A është regjistruar Elektroserver si kompani sipas ligjeve të Kosovës?
- Ju lutem të dërgoni regjistrimin biznesor të Elektroserverit.
- A ka marrë Elektroserver licencë nga ZRRE për operim? A mund të cekni numrin e licencës?
Kjo marrëveshje nuk është bërë publike dhe ka shumë konfuzione lidhur me mënyrën e marrëveshjes. Sipas raportimit të ZRRE-së në Komisionin Parlamentar për Buxhet, Financa dhe Transfere, Qeveria e Kosovës ka pagur 113 mil euro për energjinë e shpenzuar në komunat në veri në vitin 2021 dhe 2022.
A qëndron ende deklarata e Kryeminstrit Kurti se: Elektroserveri nuk duhet të pranohet kurrsesi; nëse KEDS-i nuk i mbledh faturat në veri, atëherë shpërndarja edhe furnizimi duhet të kthehet në pronë publike; nëse këtë nuk e bën KEDS-i duhet ta bëjë Qeveria?!/InLajmi/
