Ambasadori amerikan në Beograd, Christopher Hill, vlerësoi se viti 2024, në nivel global, do të jetë shumë kompleks, por edhe një vit domethënës për të gjithë ata që duan të shohin zgjerimin e mëtejshëm të Bashkimit Evropian dhe Serbisë në një “vend të ndryshëm nga ai ku ishte deri tani”, transmeton InLajmi.
“Viti i ardhshëm 2024 do të jetë një vit shumë domethënës për të gjithë serbët, të cilët duhet të kuptojnë se fati i tyre nuk varet nga yjet, Uashingtoni, Brukseli apo edhe Pekini, por nga vetë ata, tha Hill dhe theksoi se është momenti që qytetarët të mendojnë se çfarë duan dhe ku e shohin Serbinë në vitin e ardhshëm, i cili ndër të tjera do të jetë i rëndësishëm edhe për zgjerimin e BE-së’’.
Në konferencën “Bota 2024”, në fjalën e tij ambasadori ndër të tjera theksoi se ka pasur shumë vullnet të mirë, por edhe pritshmëri që një vend dëshiron të hyjë në BE, të zgjidhë problemet para se të hyjë, sepse asnjë organizatë, as BE-ja nuk dëshiron të ketë më shumë probleme, por më shumë anëtarë dhe më shumë zgjidhje.
Ne kemi nevojë për shumë më shumë punë për të zgjidhur problemin, tha Hill, duke shtuar se dialogu i Brukselit përmban të gjitha elementet që janë tashmë në tryezë, të cilat duhet të përmbushen për këtë qëllim.
“Shumë është fituar dhe humbur, por është një mundësi reale për ta çuar dialogun e Brukselit në drejtimin e duhur dhe besoj se viti 2024 do të jetë një vit i rëndësishëm në zgjidhjen e sfidave rajonale”, tha Hill.
Ai foli edhe për rëndësinë e bashkëpunimit rajonal dhe se Serbia është e përkushtuar ndaj iniciativës Ballkani i Hapur, por theksoi gjithashtu se ekzistojnë disa modele për bashkëpunim, e njëri prej tyre është Procesi i Berlinit, i cili nuk dallon nga Ballkani i Hapur.
Sipas tij, është koha që t’i drejtohemi bashkëpunimit rajonal, në mënyrë që kufijtë të mos i ndajnë njerëzit, por t’i bashkojnë ata.
Ambasadori shprehu bindjen se Serbia do të jetë në lartësinë e përgjegjësive dhe sfidave në mënyrë që të mundësojë që Ballkani Perëndimor të jetë rajon i paqes, shkruan prink.rs.
Hill shprehu shpresën se në vitin 2024 do të bëhen më shumë përpjekje për zgjidhjen e problemeve dhe gjetjen e zgjidhjeve.
