Policia e Kosovës njofton se janë vetëdorëzuar 2 persona të cilët kanë qenë të dyshuar për veprën penale “vrasje në tentativë”, përcjell InLajmi.
Në njoftimin e policisë, bëhet me dije se ata janë të dyshuar për një rast të ndodhur në fashtin Vitomericë të Pejës ku ka patur të shtëna me armë zjarri në orët e para të mëngjesit të datës 10 dhjetor 2023.
Ndërkohë aktualisht dy të dyshuarit me urdhër të prokurorit të shtetit janë ndaluar.
Njoftimi i plotë i policisë:
Vetë dorëzohen 2 persona të dyshuar për veprën penale “Vrasje nё tentativë”
Pejë, 11 dhjetor 2023
Më datë 10 dhjetor 2023 rreth orës 01:25, Policia është informuar se në rrugën “Zekë Berdyna” nё fshatin Vitomericë ka të shtëna me armë zjarri.
Policia menjëherë iu ka përgjigjur vendit te ngjarjes dhe me të arritur në atë lokacion nga viktimat kanë kuptuar se në drejtim të tyre nga persona të pa njohur është shtënë me armë zjarri.
Pas këqyrjes së vendit të ngjarjes, janë mbledhur dëshmi, bazuar në sekuestrimin e dëshmive të dyshuarit e këtij rasti janë vetë dorëzuar.
- K. K. i lindur me 2003.
- GJ. K. i lindur me 2006.
Pas intervistimit të dyshuarave nga ana e hetuesve rajonal në prezencën e avokatit mbrojtës, me urdhër të prokurorit shtetit të njëjtit janë ndaluar. /InLajmi/
