Anëtari i kryesisë së Aleancës për Ardhmërinë e Kosovës Daut Haradinaj, ka reaguar ashpër ndaj Qeverisë së Kosovës lidhur me ndarjen e buxhetit për komunat, përcjell InLajmi.
Haradinaj tha se si është e mundur që prej po taksave të qytetarëve të përfitojnë vetëm komunat që udhëhiqen nga VV.
Tutje ai u shpreh se buxhetin e shtetit nuk ia ka lënë baba as Kryeminisrit e as Ministrit të Financave, që ta ndajnë atë siç ata dëshirojnë. Haradinaj tha se kjo është e papranueshme dhe e pamoralshme.
Anëtari i AAK-së shtoi se mos i detyroni qytetarët që t’i refuzojnë edhe taksat edhe shtetin. Mos e ndani këtë shoqëri edhe në buxhetin e shtetit, se nuk ju falet.
Postimi i plotë i tij:
A janë taksapaguesit e komunave ku nuk qeverisë Vetëvendosje të barabartë me taksapaguesit e komunave të tjera? Nëse po, si është e mundur që prej po këtyre taksave të përfitojnë vetëm komunat që udhehiqen nga VV. Po buxhetin e shtetit nuk ia ka lënë baba as Kryeminisrit e as Ministrit të Financave, që ta ndajnë atë siç ju teket.
Kjo është jo vetëm e papranueshme por edhe e pamoralshme. Mos i detyroni qytetarët që t’i refuzojnë edhe taksat edhe shtetin. Mos e ndani këtë shoqëri edhe në buxhetin e shtetit, se nuk ju falet. /InLajmi/
