Bazuar në një rekord prej 600.000 votash nga udhëtarët nga 168 vende në mbarë botën, organizata e destinacioneve më të mira evropiane EBD ka zbuluar listën e saj të “tregjeve më të bukura të Krishtlindjeve për t’u vizituar 2023-2024”.
1.Udhëtarët duket se tërhiqen nga destinacionet e reja të Krishtlindjeve dhe kanë zgjedhur Festën e Ardhjes së Hungarisë në Bazilikën në Budapest si të preferuarin e tyre, duke e bërë atë destinacionin më të vlerësuar të Krishtlindjeve në këtë renditje.
Me këtë nominim të 4-t, ia kalon Zagrebit, i cili më parë kishte 3 çmime radhazi.
2.Craiova, në Rumani, zuri vendin e 2-të, duke e bërë atë “ndoshta atë me rritjen më të madhe në popullaritet”, sipas EBD.
Craiova gjithashtu iu dha titulli Pema e Krishtlindjeve më e Bukur në Evropë nga votuesit. Listat e tjera të festimeve më të mira të Krishtlindjeve në Evropë nga EBD të ju ndihmojnë të merrni vendimet tuaja nëse planifikoni të udhëtoni për festat e fundviit.
3.Metz në Francë, zë vendin e 3-të, i përzgjedhur si Tregu më i mirë i Krishtlindjeve për familjet;
4.Poznan në Poloni ka shesh patinazhin më të bukur të Krishtlindjeve në akull;
5.Montbeliard, Francë një nga tregjet më të bukura të Krishtlindjeve në Evropë,I famshëm në botë për bukurinë e ndriçimeve të tij, ky treg i Krishtlindjeve është tradicional dhe autentik.
6.Riga në Letoni ka Tregun më autentik të Krishtlindjeve;
7.Valkenburg në Holandë ka Paradën më të Mirë të Krishtlindjeve;
8.Asti-Govone në Itali ka Tregun më të mirë romantik të Krishtlindjeve;
9.Madeira në Portugali ka Tregun më të mirë të Krishtlindjeve me diell.
10.Valkenburg në Holandë ka Paradën më të mirë të Krishtlindjeve;
Në vendin e 15 radhitet Tregu i Sarandës. Ja çfarë shkruan Forbes për të:
Kjo është hera e parë që Tregu i Krishtlindjeve i Sarandës në Shqipëri shfaqet në renditjen më të mirë të tregjeve të Krishtlindjeve në Evropë.
Saranda është një qytet modern, i ri, dinamik dhe një destinacion perfekt gjatë gjithë vitit për pushime me diell apo me borë.
Tregu i Krishtlindjeve i Sarandës e shndërron shëtitoren e qytetit në një vend të çudirave dimërore nga data 6 dhjetor deri më 2 janar. Me dekorime vezulluese, një pemë të bukur Krishtlindjesh, shesh patinazhi, karusel, kasolle druri dhe skena për muzikë dhe evente, ofron një atmosferë festive dhe të veçantë, shkruan Living.al
Vizitorët mund të shijojnë kuzhinën lokale, zanatet dhe produktet rajonale së bashku me një program të pasur koncertesh, shfaqjesh dhe një paradë të Santa-dhe-Elves, duke e bërë atë një destinacion magjepsës pushimi.
