Policia e Kosovës ka njoftuar se sot në orët e pasdites një 18 vjeçar ka vdekur në vendin e tij të punës në fshatin Nikadin të Ferizajit, përcjell InLajmi.
Vdekjen për InLajmin e ka konfirmuar zëdhënsi i i policisë për rajonin e Ferizajit Kanun Veseli i cili tha se fillimisht nga Qendra Emergjente e këtij qyteti kanë pranuar informacion se në orët e pasdites pranë është sjellur tek ta një person pa shenja jete.
Pas kësaj, ekipet policore kanë dalë në vendin e ngjarjes te fabrika ku kishte punuar viktima.
Veseli tha se mjekët kanë konstatuar se vdekja ishte natyrore, dhe për këtë është njoftuar edhe prokurori në prokurorinë e këtij qyteti.
“Sot, rreth orës15:30 nga Qendra Emergjente në Ferizaj jemi njoftuar se një person, mashkull i moshës rreth 18 vjeçar është sjellur pa shenja jete. Ekipe të policisë kanë dalë menjëherë në vendin e ngjarjes dhe kanë mësuar se viktima dyshohet se kishte ndërruar jetë në vendin e punës në njê fabrikê në fshatin Nikadim të Ferizajt. Sipas mjekëve kujdestar dyshohet për vdekje natyrore. Në lidhje me këtë është njoftuar edhe prokurori kujdestar nga Prokuroria Themelore e Ferizajt”, tha Veseli. /InLajmi/
