Kryetari i Aleancës për Ardhmërinë e Kosovës, Ramush Haradinaj, me rastin e 75 vjetorit të miratimit të Deklaratës Universale të të Drejtave të Njeriut, falënderon NATO-n dhe SHBA-të që dënuan shkeljen e të drejtave të njeriut ndaj popullit tonë përcjell InLajmi.
Haradinaj shprehet se kjo datë ka është e rëndësishme për popullin tonë pasi përjetuam cenime serioze të të drejtave tona nga sisteme autoritare dhe okupatore.
Kreu i AAK-së thekson se shtet i pavarur do të vazhdojmë të punojmë për një të ardhme ku drejtësia dhe respekti ndaj të drejtave të njeriu janë të garantuara.
Postimi i plotë i tij:
Sot, e gjitha bota shënon 75-vjetorin e miratimit të Deklaratës Universale të të Drejtave të Njeriut. Në vitin 1948, ky dokument monumental u miratua për të mbrojtur të drejtat dhe liritë themelore të njeriut.
Për ne si vend, kjo datë është një kujtim i rëndësishëm, pasi përjetuam cenime serioze të të drejtave tona nga sisteme autoritare dhe okupatore. Edhe sot, pas 15 vitesh nga pavarësia dhe afër 25 vjetësh prej çlirimit, jemi të përkushtuar për mbrojtjen e këtyre vlerave për të siguruar që dinjiteti i çdo qenie njerëzore është i paprekshëm.
Kosova është ndërtuar nën hijen e mohimit të të drejtave të njeriut, dhe padyshim kujtojmë mbështetjen e miqve tanë në NATO në krye me ShBA që dënuan shkeljen e të drejtave ndaj popullit tonë.
Sot, ne, si një shtet i pavarur e demokratik, vazhdojmë rrugën tonë drejt një të ardhmeje ku drejtësia dhe respekti ndaj të drejtave të njeriut janë të garantuara dhe mbrojtura si vlera themelore, duke përfshirë këtë Deklaratë në Kushtetutën tonë. /InLajmi/
