Disa nga ngjarjet, njerëzit dhe datat më me ndikim në historinë turke dhe atë botërore që kanë shënuar ditën e sotme, 10 dhjetor.
10 dhjetor 1898 – Kuba fitoi pavarësinë me Traktatin e Parisit (1898), nënshkruar pas Luftës Amerikano-Spanjolle.
10 dhjetor 1901 – U ndanë për herë të parë Çmimet Nobel në 5 kategori. Laureatët ishin fizikani gjerman – Wilhelm Conrad von Rontgen, kimisti holandez – Hendricus van t’Hoff, mikrobiologu gjerman – Emil Adolf von Behring, poeti francez – Sully Prudhomme, si dhe themeluesi zviceran i Kryqit të Kuq Ndërkombëtar – Henri Dunant me aktivistin francez të paqes – Frederik Passy.
10 dhjetor 1948 – Asambleja e Përgjithshme e Kombeve të Bashkuara, e mbledhur në kryeqytetin Paris të Francës, miratoi Deklaratën Universale të të Drejtave të Njeriut. Deklarata doli drejtpërsëdrejti nga përvoja e Luftës II Botërore dhe paraqet shprehjen e parë globale se të gjitha qeniet njerëzore lindin me të drejta, prandaj nuk duhet t’i luten, përulen a shtrijnë dorën tjetërkujt për t’i pasur ato. Data e miratimit të Deklaratës, mbështetur fuqimisht edhe nga Turqia, u shpall nga OKB-ja si Dita Ndërkombëtare e të Drejtave të Njeriut.
10 dhjetor 1957 – Qiproja shpalli shtetrrethimin pas përshkallëzimit të sulmeve të grekoqipriotëve ndaj turqve qipriotë.
10 dhjetor 1983 – Mori fund regjimi i rreptë ushtarak në Argjentinë dhe Raul Alfonsin u bë presidenti i parë civil i vendit pas 8 vitesh.
10 dhjetor 1988 – Në Universitetin “Hacettepe” të Ankarasë u realizua transplantimi i parë i mëlçisë në Turqi. Mëlçia, veshkat dhe korneat e dhuruesit Ahmet Aktas iu transplantuan 5 pacientëve të ndryshëm gjatë një ndërhyrjeje kirurgjike të udhëhequr nga prof. dr. Mehmet Haberal.
10 dhjetor 2003 – Shirin Ebadi, një aktiviste e të drejtave të grave dhe fëmijëve, u bë iraniania dhe myslimania e parë laureate e Çmimit Nobel për Paqe.
10 dhjetor 2006 – Vdiq Augusto Pinochet, gjeneral që në vitin 1973 mori pushtetin në Kili me grusht ushtarak dhe e qeverisi atë me regjim diktatorial për 17 vite radhazi.
10 dhjetor 2016 – Propozimi për ndryshime kushtetuese, i cili do të instalonte Sistemin e Qeverisë Presidenciale në Turqi, iu paraqit për shqyrtim Kryesisë së Kuvendit të Madh Popullor të Turqisë me nënshkrimet e 316 deputetëve.
10 dhjetor 2016 – Organizata terroriste separatiste PKK kreu një sulm me bombë ndaj policisë në Besiktas të Stambollit. Si pasojë e shpërthimit u martirizuan 44 veta dhe u plagosën 164 të tjerë. Në Turqi u shpallën 3 ditë zie kombëtare.
