Kryetari i Prishtinës Përparim Rama, ka shprehur mirënjohje të thellë për të gjitha gratë që kontribuojnë në respektimin e të drejtave të personave me aftësi të kufizuara dhe të cilat përballen me vështirësi të ndryshme por që nuk dorëzohen kurrë, përcjell InLajmi.
Ai tha se Kristalja kishte nderin të merrte pjesë në këtë ngjarje, nën organizimin e Ambasadores së Vullnetit të Mirë Elvana Shala.
Rama tha se luftëtaret tona u shpërblyen me mirënjohje për kontributin e tyre të pamohueshëm që të gjithë njerëzit të trajtohen të barabartë, zonjat të cilat me guxim, vullnet dhe zemërgjerësi duke ndikuar pozitivisht në jetën e shumë individëve.
Rama shtoi se edhe pse përballen me shumë vështirësi shëndetësre, paragjykime e barriera të cilat nuk i kanë detyruar të dorëzohen por përkundrazi, i kanë shtyrë të luftojnë jo për veten por për të gjitha gratë tjera.
Kryetari falënderojë Ambasadorin e Luksemburgut në Republikën e Kosovës Eric Dietz, për bashkëorganizimin e kësaj ngjarjeje.
Postimi i plotë i tij:
Mirënjohje të thellë për të gjitha gratë të cilat luftojnë pa ndal, çdo ditë, që të respektohen të drejtat e personave me aftësi të kufizuara, të cilët përballen me vështirësi të ndryshme por që nuk dorëzohen kurrë.
Kristalja kishte nderin të merrte pjesë në këtë ngjarje, nën organizimin e Ambasadores së Vullnetit të Mirë, Elvana Shala, ku të pandalshmet, luftëtaret tona u shpërblyen me mirënjohje për kontributin e tyre të pamohueshëm që të gjithë njerëzit të trajtohen të barabartë, zonjat të cilat me guxim, vullnet dhe zemërgjerësi kanë ndikuar pozitivisht në jetën e shumë individëve, ndonëse përballen me shumë vështirësi shëndetësre, paragjykime e barriera të cilat nuk i kanë detyruar të dorëzohen por përkundrazi, i kanë shtyrë të luftojnë jo për veten por për të gjitha gratë tjera.
Falënderojmë z.Eric Dietz, Ambasadorin e Luksemburgut në Republikën e Kosovës për bashkëorganizimin e kësaj ngjarjeje. /InLajmi/
