Rreth 30 biznese nga Kosova dhe 30 biznese nga diaspora zhvilluan takime B2B, në Frankfurt të Gjermanisë, të organizuar nga Ministria e Punëve të Jashtme dhe Diasporës.
Konsulli i përgjithshëm i Republikës së Kosovës në Frankfurt, Gëzim Gashi, theksoi se qëllimi i këtyre takimeve është avancimi dhe lidhja e bizneseve prodhuese dhe shërbyese të Kosovës me bizneset e diasporës në disa shtete ku diaspora është më e koncentruar dhe ka potencial më të madh të të bërit biznes.
“Qëllimi i këtyre takimeve është avancimi dhe lidhja e bizneseve prodhuese dhe shërbyese të Kosovës me bizneset e diasporës në disa shtete ku diaspora është më e koncentruar dhe ka potencial më të madh të të bërit biznes. Përveç kësaj, këto takime kanë fokus edhe krijimin e lidhjeve direkte me blerës potencial, lidhje të marrëveshjeve konkrete derisa bizneset mund t’i prezantojnë edhe produktet e tyre”, theksoi Gashi.
Bizneset që po marrin pjesë në këto takime janë nga sektorët prodhues e përpunues të ushqimit dhe pijeve, ndërtimtarisë si dhe sektori i teknologjisë informative, shkruan RTK
Kjo iniciativë e takimeve të tilla e MPJD-së ka filluar ditë më parë në Gjenevë, për të vazhduar tani në Frankfurt, derisa vitin e ardhshëm takime B2B do të ketë nê Austri dhe SHBA.
