Në Kosovë pritet të mbajë mot me vranësira të pakta lokale dhe intervale kohore me diell. Mëngjesi do të jetë i ftohtë dhe me ngrica e mundësi për mjegull dhe vranësira të ulëta nëpër disa lugina dhe ultësira. Dita stabile dhe me shumë intervale kohore me diell. Temperaturat parashihet të luhaten nga -4 ajo minimale deri në 7 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi sot pritet të mbajë mot stabil dhe me intervale kohore me diell. Mëngjesi i ftohtë, lokalisht me mjegull dhe ngrica të dobëta, ndërsa dita stabile dhe me intervale kohore me diell.
Të dielen shtim gradual i vranësirave e në orët e pasdites reshje lokale shiu bore e shqote. Reshjet do të jenë kryesisht të dobëta dhe kalimtare. Në Shqipëri reshjet do të jenë paksa më intensive, por afatshkurtra, shkruan MEteo Ballkan.
Nga e hëna përmirësim i motit, me mëngjese të ftohta e ditë stabile dhe me rritje graduale të temperaturave, megjithatë në disa vise do të ketë riga afatshkurtra shiu. Temperaturat ditore do të shënojnë rritje graduale.
