Ministri i Shëndetësisë, Arben Vitia bëri të ditur se në kuadër të angazhimeve për përmirësimin e cilësisë së shërbimeve në Klinikën e Oftalmologjisë janë bërë investime në aparaturë mjekësore moderne, përcjell InLajmi.
Vitia tha se këto investime do të kenë vlerën e 550.000 eurove dhe do të përqëndrohen në pajisje mjekësore bashkëkohore dhe rregullimin e infrastrukturës në këtë klinikë.
Gjithashtu, Vitia më tutje thotë se në këtë klinikë do të jetë së shpejti edhe një shërbim i ri për fëmijët, ai për ekzaminimin oftalmologjik tek të lindurit para kohe.
Po ashtu thotë ministri do të ketë edhe rinovime e riorganizime në 2 repartet e klinikës.
Postimi i tij i plotë:
550.000 euro: Investime në Klinikën e Oftalmologjisë
Kemi filluar investimet në pajisje mjekësore bashkëkohore dhe rregullimin e infrastrukturës në Klinikën e Oftalmologjisë.
Për fëmijët: së shpejti mbërrin aparatura bashkëkohore për ekzaminimin oftalmologjik tek të lindurit para kohe (retinopatia e prematurëve “ROP”).
Për pacientët: Rinovime e riorganizime në 2 repartet e Klinikës (A dhe B). Në vijim janë 2 repartet e tjera (C dhe D) së bashku me sallat operative dhe diagnostikën.
Pajijset e reja mjekësore & infrastruktura e përmirësuar mundësojnë:
Saktësi dhe shpejtësi në diagnostikim
Shërbime të reja
Rritje të cilësisë së shërbimeve ekzituese
Dyfishim të shërbimeve
Ekonomizim të shpenzimeve publike
Vijon transformimi Klinikë për Klinikë.
Vendosja në përdorim e pajisjeve të reja minimizon rastet e trajtimit jashtë spitaleve publike. Kursejmë në afatmesëm rreth 6 milionë euro.
Për pacientët
Për shëndetësinë publike
#MinistriaShëndetësisë
#KlinkaEOftalmologjisë
#ShëndetiPublik /InLajmi/
