Zyra e Kryeministrit ka njoftuar se Qeveria e Republikës së Kosovës ka zhvilluar mbledhje e radhës në mënyrë elektronike në të cilën janë marrë disa vendime, përcjell InLajmi.
Gjatë kësaj mbledhjeje, Qeveria ka miratuar 3 vendime të rëndësishme ndër to vendimi për Rialokimin e 320. 428.00 euro për Ministrinë e Kulturës, Rinisë dhe Sportit, në shërbim të zbatimit të Programit “Masat preventive – intervenime emergjente” nëpër komuna të ndryshme, vendimin për dhënien e autorizimit Ministrisë së Financave për nënshkrimin e Marrëveshjes për Kredi me Bankën Evropiane për Rindërtim.
Njoftimi i plotë i Zyrës së Kryeministrit:
Qeveria e Republikës së Kosovës sot ka zhvilluar një mbledhje elektronike në të cilën ka:
– Rialokuar 320. 428.00 euro për Ministrinë e Kulturës, Rinisë dhe Sportit, në shërbim të zbatimit të Programit “Masat preventive – intervenime emergjente” nëpër komuna të ndryshme.
– Miratuar vendimin për dhënien e pronës së paluajtshme, të konfiskuar me Aktgjykimin e Gjykatës Themelore në Prishtinë PKR Nr. 1046/16, në shfrytëzim për Odën e Ndërmjetësuesve të Kosovës.
– Aprovuar vendimin për të kërkuar nga Presidentja e Republikës së Kosovës dhënien e autorizimit për Ministrin e Financave, Punës dhe Transfereve, për nënshkrimin e Marrëveshjes së Kredisë ndërmjet Republikës së Kosovës, e përfaqësuar nga Ministria e Financave, Punës dhe Transfereve dhe Bankës Evropiane për Rindërtim dhe Zhvillim për Projektin e trajtimit të Ujërave të zeza në Ferizaj. /InLajmi/
