Deputetja e Lidhjes Demokratike të Kosovës, Rrezarta Krasniqi, reagon pas largimit të 4 zyrtarëve shëndetësorë nga pozitat udhëheqëse nga Spitali i Mitrovicës, nërsa shprehet se ata janë larguar me detyrim nga pozitat e tyre, përcjell InLajmi.
Sipas Krasniqi këtë largim të detyrueshëm e konsideron alarm për sistemin shëndetësor.
Për më tepër ajo thekson se ikja e mjekëve nga vendi është pasojë e mungesës së hapsirës për të vepruar në realizimin e obligimeve.
Ndërsa shprehet ajo se për hapsirën e cunguar të mjekëve në angazhimet e tyre fajin e ka politika.
Postimi i plotë i saj:
Qeveria Kurti ‘virusi’ që po e rrezikon shëndetësinë!
Largimi me detyrim nga pozitat udhëheqëse të 4 zyrtarëve shëndetësorë në Spitalin e Mitrovicës është alarm i për sistemin shëndetësor, i cili çdo ditë e më tutje po ballafaqohet me ikje të mjekëve, si pasojë e kushteve dhe hapësirës së cunguar në përmbushjen e detyrave të tyre, gjë për të cilën fajet i ka politika e cila duhet të mbaj duart larg nga shëndetësia. Ajo që po ndodh tani në sistemin shëndetësor nuk ka ndodhur asnjëherë më parë dhe pasojat, fatkeqësisht do të jenë fatale për vendin. /InLajmi/
