Anëtari i kryesisë së Aleancës për Ardhmërinë e Kosovës, Daut Haradinaj ka zhvilluar një takim me pjesëtar të kësaj partie, ku kanë diskutuar rreth asocacionit, përcjell InLajmi.
Haradinaj u shpreh se janë njëzëri ndaj pasojave të asocacionit të cilat sipas tij janë krijuar nga refuzimi i kryeministrit prej disa vitesh që Kosova ta krijojë vet këtë statut.
Më tutje ai u shpreh se nëse ky version i draft statutit nuk ndryshohet atëhere do të jetë Kosovë e cila nuk do të ketë më të njëjtin format kushtetues si në shpalljen e pavarësisës.
Postimi i tij i plotë:
Njëzëri për pasojat e ASK që tashmë Kryeministri Kurti e ka pranuar, kjo si derivat i tij, që me vite refuzoi që Kosova vet ta krijojë ketë statut.
Tash të shohim, por Kosova e 17 shkurtit të 2008, nuk do ta ketë formatin e njëjtë, as kushtetues e as ligjzbatues nëse kalon ky version i draft-statutit pa u ndryshuar. /InLajmi/
