Në ambientet e Akademisë së Kosovës për Siguri Publike, në një ceremoni zyrtare të premten diplomuan 13 zyrtarë policorë të trajnuar për mbrojtjen të afërt përcjell InLajmi.
Pas trajnimit 12 javorë nga instruktorë të Policisë së Kosovës të certifikuar ndërkombëtarisht, këta 13 zyrtarë i shtohen Njësisë e Mbrojtjes së Afërt.
Në këtë ceremoni morën pjesë zyrtarët e lartë nga policia e Kosovës.
Gjatë këtij kursi janë certifikuar edhe 3 instruktorë nga FSK edhe AKI-ja.
Njoftimi i poltë:
Sot, më datën 08 dhjetor 2023, në ambientet e Akademisë së Kosovës për Siguri Publike, pas trajnimit 12 javorë nga instruktorë të Policisë së Kosovës të certifikuar ndërkombëtarisht, u mbajt ceremonia e diplomimit për 13 zyrtarët policorë të cilët përfunduan trajnimin për Njësinë e Mbrojtjes së Afërt.
Të pranishëm në ketë ceremoni të diplomimit ishin drejtori i përgjithshëm i Policisë së Kosovës kolonel Hoxha, z. Kastriot Jashari nga AKSP, menaxhmenti i lartë i PK-së si dhe eprorë e zyrtarë nga Departamenti i Njësive Special të PK-së.
Të pranishmëve me një fjalë rasti iu drejtua drejtori i PK-së kolonel Hoxha, i cili uroi zyrtarët për përfundimin e këtij trajnimi ndër më sfiduesit në Policinë e Kosovës si dhe në të njëjtën kohë i inkurajoi që të punojnë me profesionalizëm, integritet dhe përgjegjësi. Gjatë këtij kursi janë certifikuar edhe 3 instruktorë nga FSK edhe AKI –ja. /InLajmi/
