Amer Aliaj, nga Fondi për të Drejtën Humanitare, e ka komentuar aktakuzën e ngritur nga Prokuroria Speciale e Kosovës ndaj 53 personave, të cilët në Masakrën e Mejës i kanë vrarë 370 shqiptarë civilë.
Sipas tij, prej që ka hyrë ligji i cili lejon gjykimin e personave në mungesë, është rritur numri i “Aktakuzës në mungesë”.
“Në këtë aktakuzë janë akuzuar 53 persona në mungesë. Që nga hyrja në fuqi e kodit të procedurës penale dhe për ndryshimet ligjore për gjykimet në mungesë që nga muaji maj deri më sot janë ngritur 8 aktakuza në mungesë, ku janë akuzuar 61 një persona në mungesë”, ka thënë ai në TV Dukagjini.
Më tej, ai ka thënë se ka pasur arrestime të personave të dyshuar për krime lufte.
“Në sa raste ka punuar Prokuroria dhe Gjykata, sipas informatave që i kam, janë 30 raste për krimet e luftës duke filluar prej personave të akuzuar procedura paraprake, shkalla e parë e 2-të dhe 3-të”, ka thënë Aliaj.
