1660 – Margaret Hughes bëhet aktorja e pare profesioniste e teatrit britanik; ajo luan rolin e Desdemonës në tragjedinë Othello të Shekspirit.
Në atë kohë, grave u ndalohej të dilnin në skenë, ndërsa rolet e femrave luheshin nga meshkuj. Por, tregojnë, se një incident ndodhi kur një pjesë teatrale, që po shikohej nga mbreti Charles II, befas u ndërpre. Mbreti dërgoi shërbëtorët për të pyetur se cili ishte shkaku, dhe mësoi se shfaqja ishte ndërprerë pasi aktorit i duhej të rruhej për të luajtur rolin e femrës. Ky, dhe incidente të tjera, edhe më delikate, e shtynë mbretin për të nxjerrë një urdhër që personazhet femra duhet të luhen vetëm nga femra aktore.
1854 – Papa Pius IX shpall përkufizimin e doktrinës Konceptim i Papërlyer, duke e bërë dogmë se Virgjëresha Mari ishte konceptuar e lirë nga mëkati origjinal. Edhe pse besimi i Konceptimit të Papërlyer ka ekzistuar që nga antikiteti i vonë, kjo nuk është doktrinë zyrtare, përveç në Kishën Romake Katolike.
1912 – Në Boston, Kuvendi i Jashtëzakonshëm i Vatrës vendos të dërgojë Faik Konicën delegat në Evropë dhe Shqipëri që “të shtrojnë përpara Mbledhjes së Kombit dhe njerëzve politikë ca mendime për të zgjedhurit e një dere mbretërore për Fronin e Shqipërisë dhe për të themeluarit e Konstitucjes” (F. Noli). Konica me Nolin mbërritën në Londër pas disa ditësh, duke përfaqësuar përkatësisht Federatën Vatra dhe “Kishën Ortodokse “Shën Gjergjit” të shqiptarëve në Amerikë.
1927 – Instituti Brookings, një nga qendrat më të hershme analitike në Shteteve të Bashkuara, themelohet përmes bashkimit të tre organizatave që ishin krijuar nga filantropisti Robert S. Brookings (1850 – 1932).
1953 – Presidenti amerikan Dwight D. Eisenhower mban fjalimin e tij “Atom për Paqe”. duke shpallur fillimin e një programi për furnizim me pajisje dhe informacion për shkollat, spitalet dhe institucionet kërkimore në mbarë botën, në kuadër të përdorimit të energjisë atomike për qëllime civile.
1962 – Punëtorët në katër gazeta të New York City (më pas në nëntë) hidhen në grevë. Në thelb, greva ishte një betejë mbi teknologjinë, ndërsa sistemet e kompjuterizuara kishin filluar të përdoreshin në radhitje që do të ndikonin në mënyrën e shtypjes. Gazeta të tilla si Los Angeles Times, pa sindikata, nxituan për të instaluar kompjuterat më të fundit të njohur si RCA 301. Gazetat me sindikata, përfshirë ato në Nju Jork, u përballën me rezistencë nga udhëheqësit sindikalistë, të cilët mendonin se automatizimi i procesit do të sillte humbje të vendeve të punës. Rritja e pagave, dhe përfitime të tjera shtesë, i bëri gazetarët të ktheheshin në punë, pas 114 ditëve në grevë.
1980 – Ish-pjesëtari i grupit Beatles, muzikanti anglez John Lennon vritet nga një fanatik muzike, i paqëndrueshëm mendërisht, përballë ndërtesës The Dakota në Nju Jork, ku Lennon, 40 vjeçar, kishte apartamentin e tij.
Mark David Capman e qëlloi atë 4 herë nga afër me revolver. Capman u dënua me burgim 20 vjet deri përjetë, ndërsa Lennon përkujtohet me lulishten Strawberry Fields në Central Park, që Yoko Ono e projektoi për nder të burrit të saj.
2010 – Parlamenti shqiptar ratifikon rezolutën; 8 dhjetori shpallet Dita Kombëtare e Rinisë, në kujtim të Lëvizjes Studentore të vitit 1990.
