Ministri i shëndetësisë, Arben Vitia ka njoftuar se kanë nisur investimet në Klinikën e Urologjisë, investime të cilat i konsideroi si rrënjësor, përcjell InLajmi.
Vita u shpreh se ky investim do të përqëndrohet në përmirësimin e infrastrukturës së kësaj klinike dhe ndër të tjera do të mundësojë kushte spitalore optimale për pritjen dhe trajtim të pacientëve, rinovim të dhomave të pacientëve. Gjithashtu ky investim ka për qëllim të sjellë edhe një transformim të kushteve të punës për stafin.
Ministri thotë se ky është një investim prej mbi 1,2 milionë euro dhe se pas 20 vitesh po ndërmerret një iniciativë e tillë.
Postimi i tij i plotë:
Mbi 1.2 milionë euro – Investim rrënjësor pas 20 vitesh në Klinikën e Urologjisë
Nisi puna për realizimin e investimit në infrastrukturën e Klinikës së Urologjisë në QKUK. Ky investim do të mundësojë:
Kushte spitalore optimale për pritjen dhe trajtimin e pacientëve
Dhoma të pacientëve të rinovuara.
Hapësira të duhura për procedura dhe shërbime mjekësore
Sportele të riorganizuara e korridore të rinovuara
Transformimin e kushteve të punës për stafin
Sallat operative të optimalizuara – (përshfirë zhvendosjen në lokacion tjetër të ESWL (aparatit për thyerje të gurëve dhe cistoskopisë)
Vijojmë transformimin Klinikë për klinikë.
2000 m2 hapësirë vepruese
53 profesionistë shëndetësorë dhe staf mbështetës për të gjitha shërbimet
Kapaciteti për trajtimin e pacientë çdo muaj:
558 vizita ambulantore
170 shërbime diagnostike dhe procedura tjera
81 operacione
Për pacientët
Për shëndetësinë publike
#MinistriaShëndetësisë
#KlinikaEUrologjise
#ShëndetiPublik /InLajmi/
